Viðburðir, félagsfundir, göngur og aðrir viðburðir. Aðallega notað til að fá rétt yfirlit um eldri viðburði.
Ágætu félagar
Af óviðráðanlegum ástæðum þurfum við að breyta staðsetningu félagsfundarins næstkomandi laugardag. Hann verður haldinn laugardaginn 2. maí kl. 14 í sal Reykjavíkurakademíunnar, Hafnarstræti 5 á þriðju hæð.
Hlökkum til að sjá sem flesta,
Kveðja, stjórnin.
Næsti félagsfundur Ættfræðifélagsins verður haldinn 2. maí kl. 14 í sal Reykjavíkurakademíunnar, Hafnarstræti 5 á þriðju hæð. Fundurinn er öllum opinn.
Einar Már Guðmundsson rithöfundur hefur skrifað fjölmargar bækur og fengið almennt lof og verðlaun fyrir skrif sín. Eins og margir rithöfundar hefur hann leitað í persónusögu og ættfræði sem eldsneyti fyrir skáldskapinn. Nú ætlar hann að lofa okkur að heyra persónulegar vangaveltur um þetta viðfangsefni.
Við ætlum að hafa fundinn nú með öðru sniði til gamans. Fundargestir setjast við borð merktu upprunastað föður eða móður eða enn lengra aftur. Fyrst hlustum við á vangaveltur Einars Más. Þá gefum við okkur tíma til að rekja ættir, landfræðilegan uppruna og sögu. Eftir þetta spjall ræðum við um framtíð og hlutverk félagsins og veltum fyrir okkur nokkrum spurningum.
Sýnum hug okkar til Ættfræðifélagsins, fjölmennum á fundinn og takið með ykkur gesti!
Boðið verður upp á kaffi og meðlæti.
Stjórnin.
Aðalfundur Ættfræðifélagsins fyrir árið 2025 verður haldinn fimmtudaginn 26. febrúar 2026 í Færeyska sjómannaheimilinu á horni Skipholts og Brautarholts. Fundurinn hefst kl. 16:00
Hér með er auglýst eftir fólki sem hefur áhuga á að ganga til liðs við stjórn félagsins og er tilbúið til að taka við stjórn þess. Núverandi stjórn er orðin nokkuð við aldur og er tími til kominn að yngra fólk taki við.
Ef ekki fæst nýtt fólk í stjórn félagsins leggst það í dvala.
Kaffi og meðlæti eftir fund
Fundurinn er opinn öllum
Fimmtudaginn 25. september nk. hefjum við haustið hjá Ættfræðifélaginu. Þá kemur Sigrún Magnúsdóttir þjóðfræðingur og fv. ráðherra til okkar ásamt Dagbjörtu Höskuldsdóttur bókaunnanda og fv. bóksala. Þær ætla að flytja okkur sögubrot frá ævi og störfum listamannsins, skáldsins og klerksins Sæmundar Hólm Magnússonar (1749-1821).
Fundurinn verður haldinn í Færeyska sjómannaheimilinu á horni Skipholts og Brautarholts í Reykjavík og hefst hann kl. 16:00.
Allir velkomnir
Á næsta félagsfundi Ættfræðifélagsins mun Ragnar Snær Karlsson fjalla um Vesturfara, Icelandic Roots og Snorraverkefnið.
Fundurinn verður haldinn í aðstöðu Ættfræðifélagsins hjá Hótel Örkinni, Færeyska sjómannaheimilinu við Brautarholt í Reykjavík. Fundurinn hefst kl. 16:00 og er öllum opinn.
Kaffi á eftir fund.
Fyrsti minnisvarðinn á Íslandi var afhjúpaður árið 1885. Það var Hallgrímsharpan sem stendur norðan undir kirkjudyrum Dómkirkjunnar. Síðan þá hafa margir minnisvarðar séð dagsins ljós hér á landi og enn eru minnisvarðar reistir á Íslandi, síðast í Vestmannaeyjum í desember 2024. Það má búast við að um 800 minnisvarðar hafi verið reistir vítt og breytt um landið, hvort sem er í byggð eða í óbyggðum.
Eiríkur Þ. Einarsson formaður Ættfræðifélagsins ætlar að tala um minnisvarða á næsta félagsfundi sem haldinn verður í Hótel Örkinni, Færeyska Sjómannaheimilinu við Brautarholt fimmtudaginn 30 janúar 2025.
Fundurinn hefst kl. 16:00 og er opinn öllum.
Veitingar að fundi loknum.
Á næsta félagsfundi Ættfræðifélagsins, fimmtudaginn 28. nóvember, mun Ragnar Snær Karlsson flytja erindi um séra Sigurð B. Sívertsen sóknarprest á Útskálum og stofnanda barnaskóla, Gerðaskóla í Garði.
Erindið verður haldið í Færeyska sjómannaheimilinu, Örkinni, Brautarholti 29 á horni Skipholts.
Fundurinn hefst kl. 16:00 og er öllum opinn.
Fimmtudaginn 24. október mun Sölvi Sveinsson cand mag., fv. skólastjóri flytja erindi sem hann kallar Orðlist Hannesar Péturssonar.
Fundurinn verður haldinn kl. 16:00 í Færeyska sjómannaheimilinu Örkinni, Brautarholti 29, á horni Skipholts og Brautarholts.
Kaffi, meðlæti og spjall – Fundurinn er öllum opinn.
Fyrsti félagsfundur Ættfræðifélagsins í vetur verður 26. september næstkomandi. Þá mun Ragnar Snær Karlsson halda erindi um Árna Grímsson, sem hann kallar Sakamaðurinn – Þáttur Árna Grímssonar.
Fundurinn fer fram á nýjum stað, Færeyska sjómannaheimilinu, Örkinni, Brautarholti 29 í Reykjavík.
Fundurinn er öllum opinn og hefst kl. 16:00.
Kaffi og veitingar.
Gleðilegt nýtt ár
Fyrsti félagsfundur ársins verður haldinn fimmtudaginn 25. janúar, kl. 16:00.
Þá mun Kristján Pálsson sagnfræðingur og fv. alþingismaður flytja erindi um Hnífsdal, en bók hans Saga Hnífsdals kom út fyrir jólin.
Saga Hnífsdals er saga fólksins þar frá landnámi til sameiningar við Ísafjörð árið 1971. Hér er lýst sviptingasamri jarðasögu, frá eignarhaldi Vatnsfirðinga fyrr á tímum til áhrifa heimamanna og Ögurmanna.
Fundurinn verður í Þjóðskjalasafninu, á 3. hæð og hefst kl. 16:00.
Fundurinn er öllum opinn. Kaffiveitingar á eftir fund.
Smelltu á myndina.