Nú stendur Ættfræðifélagið fyrir göngu um fornar slóðir Reykvíkinga. Guðjón Friðriksson ætlar að ausa af fróðleiksbrunni sínum um sögu Reykjavíkur. Hús og íbúar þess, umhverfi og pólitík fortíðar ber áreiðanlega á góma. Við ætlum að hittast við Bryggjuhúsið (Vesturgötu 2) og röltum um Grjótaþorpið og Aðalstræti og „lesum húsin“ með leiðsögn Guðjóns. Saga og fortíð er á hverju horni.
Gangan hefst klukkan 14 laugardaginn 30.maí og eru allir velkomnir.
Vorganga Ættfræðifélgsins verður um Þingholtin í þetta sinn og verður laugardaginn 21. maí kl. 11:00.
Leiðsögumenn verða Guðfinna Ragnarsdóttir og Magnús Grímsson.
Mæting er við aðaldyr Menntaskólans í Reykjavík laugardaginn 21. maí kl. 11:00.
Laugardaginn 15. maí leiðsegir Heimir Björn Janusarson umsjónarmaður Hólavallagarðs/Gamla kirkjugarðsins við Suðurgötu, okkur um garðinn. Gengið er m.a. að leiði Páls Ólafssonar, sem nýlega kom í leitirnar.
Lagt verður af stað kl. 10:00 frá þjónustuhúsinu Ljósvallagötumegin.
Allir velkomnir – Takið með ykkur vini og vandamenn.
Gömlu varirnar við Ægissíðuna, Móholt, Grímsstaðaholt, Melavegur, Illakelda, Þormóðsstaðir, Lambhóll, Garðar, Camp Thorhill, Brenneríið, Alliance, Aðalból, Túnsberg og Sunnuhlíð. Allt eru þetta staðir og örnefni sem raða sér meðfram norðurströnd Skerjafjarðarins, sum eru okkur að góðu kunn, önnur eru gleymd og horfin undir byggð.
En sagan geymist, saga lífs og dauða, saga byggðar og bóla, saga atvinnu og athafna, saga forfeðranna sem háðu sína lífsbaráttu við Skerjafjörðinn, sem líkt og aðrir firðir, bæði gaf og tók. Allt þetta ber á góma í Vorgöngu Ættfræðifélagsins laugardaginn 2. júní. Allir eru hjartanlega velkomnir! Mæting við gömlu beitingaskúrana við Ægissíðu kl 11:00. Leiðsögumaður er Guðfinna Ragnarsdóttir ritstjóri Fréttabréfs Ættfræðifélagsins.
Myndin að ofan: Skerjafjörður. Útsýni frá Lambhól. Myndasafn Lambhólsfjölskyldunnar/Ljósmyndari óþekktur.
Sjá viðburð á Facebook.
Smelltu á myndina.