Ágætu félagar
Af óviðráðanlegum ástæðum þurfum við að breyta staðsetningu félagsfundarins næstkomandi laugardag. Hann verður haldinn laugardaginn 2. maí kl. 14 í sal Reykjavíkurakademíunnar, Hafnarstræti 5 á þriðju hæð.
Hlökkum til að sjá sem flesta,
Kveðja, stjórnin.
Næsti félagsfundur Ættfræðifélagsins verður haldinn 2. maí kl. 14 í sal Reykjavíkurakademíunnar, Hafnarstræti 5 á þriðju hæð. Fundurinn er öllum opinn.
Einar Már Guðmundsson rithöfundur hefur skrifað fjölmargar bækur og fengið almennt lof og verðlaun fyrir skrif sín. Eins og margir rithöfundar hefur hann leitað í persónusögu og ættfræði sem eldsneyti fyrir skáldskapinn. Nú ætlar hann að lofa okkur að heyra persónulegar vangaveltur um þetta viðfangsefni.
Við ætlum að hafa fundinn nú með öðru sniði til gamans. Fundargestir setjast við borð merktu upprunastað föður eða móður eða enn lengra aftur. Fyrst hlustum við á vangaveltur Einars Más. Þá gefum við okkur tíma til að rekja ættir, landfræðilegan uppruna og sögu. Eftir þetta spjall ræðum við um framtíð og hlutverk félagsins og veltum fyrir okkur nokkrum spurningum.
Sýnum hug okkar til Ættfræðifélagsins, fjölmennum á fundinn og takið með ykkur gesti!
Boðið verður upp á kaffi og meðlæti.
Stjórnin.
Í síðasta Fréttabréfi félagsins voru menn bölsýnir og töldu félagið jafnvel dauðadæmt. Það væri hæpið að nokkur sála fengist í stjórn. Við vorum nokkur sem vildum taka við keflinu og ný stjórn tók við á aðalfundi 26.febrúar 2026. Við erum flest nýgræðingar í stjórninni og höfum verið að stilla saman strengi okkar. Ættfræðigrúsk og persónusaga er að okkar mati í sókn í samfélaginu. Ungt fólk hefur skráð sig í félagið að undanförnu og er það ánægjulegt.
Nú laugardaginn 2. maí klukkan 14 verður félagsfundur í Færeyska sjómannaheimilinu Brautarholti 29. Einar Már Guðmundsson rithöfundur ætlar að halda þar erindi um not af persónusögu og ættfræði við ritstörf.
Hlökkum til að sjá sem flesta!
Stjórnin.
Aðalfundur Ættfræðifélagsins fyrir árið 2025 verður haldinn fimmtudaginn 26. febrúar 2026 í Færeyska sjómannaheimilinu á horni Skipholts og Brautarholts. Fundurinn hefst kl. 16:00
Hér með er auglýst eftir fólki sem hefur áhuga á að ganga til liðs við stjórn félagsins og er tilbúið til að taka við stjórn þess. Núverandi stjórn er orðin nokkuð við aldur og er tími til kominn að yngra fólk taki við.
Ef ekki fæst nýtt fólk í stjórn félagsins leggst það í dvala.
Kaffi og meðlæti eftir fund
Fundurinn er opinn öllum
Á fundi Ættfræðifélagsins fimmtudaginn 30. október flytur Björn Jónsson lögfræðingur og varaformaður Ættfræðifélagsins erindi sem hann kallar: Eru Arnfirðingar af Herúlum komnir?
Fundurinn verður haldinn í Færeyska sjómannaheimilinu Örkinni, Brautarhoilti 29, á horni Skipholts og Brautarholts. Fundurinn hefst kl. 16:00.
Kaffi, meðlæti og spjall
Aðgangur öllum opinn
Fimmtudaginn 25. september nk. hefjum við haustið hjá Ættfræðifélaginu. Þá kemur Sigrún Magnúsdóttir þjóðfræðingur og fv. ráðherra til okkar ásamt Dagbjörtu Höskuldsdóttur bókaunnanda og fv. bóksala. Þær ætla að flytja okkur sögubrot frá ævi og störfum listamannsins, skáldsins og klerksins Sæmundar Hólm Magnússonar (1749-1821).
Fundurinn verður haldinn í Færeyska sjómannaheimilinu á horni Skipholts og Brautarholts í Reykjavík og hefst hann kl. 16:00.
Allir velkomnir
Vorgangan verður farin fimmtudaginn 22. maí kl. 11:00 undir leiðsögn Ragnars Snæs Karlssonar.
Gengið verður í Gálgahrauni að Gálgakletti, sem er gamli aftökustaðurinn frá Bessastöðum. Um 2,5 km ganga báðar leiðir. Gangan er ekki alls staðar góð og greiðfær. Á köflum getur hún verið erfið fyrir þá sem ekki eru fótvissir. Mælt er með göngfustöfum. Búið ykkur eftir veðri.
Bílastæði eru við jaðar Gálgahrauns, í Sjálandshverfi í Garðabæ við hringtorgið á gatnamótum Vífilsstaðavegar og Hraunsholtsbrautar. Gangan getur tekið um 2-3 klst.
Á næsta félagsfundi Ættfræðifélagsins mun Ragnar Snær Karlsson fjalla um Vesturfara, Icelandic Roots og Snorraverkefnið.
Fundurinn verður haldinn í aðstöðu Ættfræðifélagsins hjá Hótel Örkinni, Færeyska sjómannaheimilinu við Brautarholt í Reykjavík. Fundurinn hefst kl. 16:00 og er öllum opinn.
Kaffi á eftir fund.
Aðalfundur Ættfræðifélagsins verður haldinn fimmtudaginn 27. febrúar á Hótel Örkin, Færeyska sjómannaheimilinu við Brautarholt og hefst kl. 16:00
Dagskrá:
Venjuleg aðalfundarstörf.
Fyrsti minnisvarðinn á Íslandi var afhjúpaður árið 1885. Það var Hallgrímsharpan sem stendur norðan undir kirkjudyrum Dómkirkjunnar. Síðan þá hafa margir minnisvarðar séð dagsins ljós hér á landi og enn eru minnisvarðar reistir á Íslandi, síðast í Vestmannaeyjum í desember 2024. Það má búast við að um 800 minnisvarðar hafi verið reistir vítt og breytt um landið, hvort sem er í byggð eða í óbyggðum.
Eiríkur Þ. Einarsson formaður Ættfræðifélagsins ætlar að tala um minnisvarða á næsta félagsfundi sem haldinn verður í Hótel Örkinni, Færeyska Sjómannaheimilinu við Brautarholt fimmtudaginn 30 janúar 2025.
Fundurinn hefst kl. 16:00 og er opinn öllum.
Veitingar að fundi loknum.
Smelltu á myndina.