aettadmin

Fimmtudaginn 5. október flytur Halldór Baldursson sagnfræðingur og læknir fyrirlestur um herskipið Göteborg úr flota konungs vors, Friðriks fjórða. Skipinu var hleypt til brots á Hraunsskeiði í Ölfusi 7. nóvember 1718. 174 skipverjar björguðust og þurftu að hafa vetursetu á Íslandi. Fjallað er um þau stjórnsýslulegu verkefni sem þurfti að leysa úr vegna strandsins.

Athugið breytta dagsetningu fyrsta fundar

Fundurinn hefst kl. 16:00 í húsi Þjóðskjalasafnsins að Laugavegi 162, 3. hæð, Reykjavík.
Allir velkomnir!
Kaffi og með því.

Næsti félagsfundur Ættfræðifélagsins verður fimmtudaginn 27. apríl kl. 16:00 í húsi Þjóðskjalasafns.
Þá mun Margrét Gunnarsdóttir tala um Jón Eiríksson konferensráð og viðreisn Íslands á 18. öld.

Aðalfundur.

Aðalfundur Ættfræðifélagsins verður haldinn fimmtudaginn 23. febrúar 2023 í Þjóðskjalasafni Íslands, Laugavegi 162, 3. hæð og hefst klukkan 16:00.

Á dagskrá eru venjuleg aðalfundarstörf í samræmi við 3. gr. laga félagsins.

1. Skýrsla stjórnar.
2. Endurskoðaðir ársreikningar lagðir fram.
3. Umræða og atkvæðagreiðsla um skýrslu stjórnar og ársreikningana.
4. Lagabreytingar.
5. Kosningar samkvæmt 4. grein.
6. Árgjald ákveðið.
7. Önnur mál.

Sólveig Ólafsdóttir talar við okkur um Bjargeyju Kristjánsdóttur frá Berlín við Hofsós, Bíbí í Berlín á félagsfundi í Þjóðskjalasafninu kl. 16:00 fimmtudaginn 24. nóvember