Sólveig Ólafsdóttir talar við okkur um Bjargeyju Kristjánsdóttur frá Berlín við Hofsós, Bíbí í Berlín á félagsfundi í Þjóðskjalasafninu kl. 16:00 fimmtudaginn 24. nóvember
11
nóv
2022
Fundir
Tilkynningar um fundi.
19
okt
2022
Ættfræðiupplýsingar á vefjum Þjóðskjalasafns
Næsti félagsfundur verður þann 27. október kl. 16:00.
Þá mun Unnar Ingvarsson fagstjóri stafrænnar endurgerðar á Þjóðskjalasafni ræða við okkur um ættfræðiupplýsingar á vefjum Þjóðskjalasafns
06
des
2021
Aðalfundur Ættfræðifélagsins
Aðalfundur Ættfræðifélagsins fer fram fimmtudaginn 24. febrúar 2022, kl. 16:00 í sal á 3. hæð Þjóðskjalasafns Íslands Laugavegi 162, Reykjavík
Fundarefni: Venjuleg aðalfundarstörf
20
okt
2021
Þuríður Þorbjarnardóttir Grimaldi
Á félagsfundi fimmtudaginn 28. október flytur Sigrún Magnúsdóttir þjóðfræðingur og fyrrv. ráðherra, erindi um greifynjuna Þuríði Marquis de Grimaldi. Þuríður fæddist þann 30. október árið 1891 að Garðhúsum við Bakkastíg. Hún var dóttir hjónanna Guðbjargar Bjarnadóttur og Þorbjarnar Jónssonar. Þuríður þótti snemma efnileg og hneigð til bókar. Amma hennar, Þuríður Eyjólfsdóttir var sögð stórgáfuð og skörungur. Sumarið 1921, þegar Þuríður stóð á þrítugu, kynntist hún markgreifanum Henri Charles Raoul Marquis de Grimaldi d’Antibes et de Cagne, afsprengi einnar elstu konungsættar í Evrópu. Í október fyrir 100 árum var haldið brúðkaup þeirra í Reykjavík.
Fundurinn hefst kl. 16:00 í húsi Þjóðskjalasafns að Laugavegi 162, 3. hæð í Reykjavik. Athugið breyttan fundartíma, kl. 16:00.
24
mar
2021
Félagsfundi þann 29. apríl frestað
Enn og aftur grípur Covid-19 í taumana og því verðum við að fresta áætluðum félagsfundi sem fram átti að fara fimmtudaginn 29. apríl.
Vegna COVID-19 veirunnar hefur stjórn Ættfræðifélagsins ákveðið að slá á frest öllum fundarhöldum og öðrum viðburðum á vegum félagsins til hausts. Þetta þýðir að það verður enginn aprílfundur eins og búið var að auglýsa. Þó munum við reyna að hafa gönguferðina sem auglýst er 15. maí. Næsti viðburður verður auglýstur með tölvupósti og tilkynningum á vef félagsins og Facebooksíðu þess þegar ljóst er að engin hætta er lengur fyrir hendi.
Vinsamlegast látið þetta berast til allra sem þið teljið að þurfi að vita af þessu og hafa ekki aðgang að tölvupósti eða vefmiðlum.
27
feb
2021
Aðalfundur 2021
Aðalfundur Ættfræðifélagsins 2021 fór fram í Þjóðskjalasafni Íslands fimmtudaginn 25. febrúar 2021 og hófst kl 20:00.
Formaður félagsins setti fundinn og skipaði Eirík Þ. Einarsson fundarstjóra og Björn Jónsson fundarritara.
Formaður flutti skýrslu stjórnar fyrir 75. starfsár félagsins, árið 2020. Í máli hans kom fram að heimsfaraldurinn, COVID-19 hafði leikið starfsemi félagsins grátt. Auk aðalfundar, tókst aðeins að halda einn félagsfund, en venjulega eru þeir sex. Þá féll vorganga félagsins einnig niður af sömu ástæðum.
Sem fyrr eru félagsfundir og útgáfa fréttabréfs meginstoðir í starfsemi félagsins, en útgáfa fréttabréfsins raskaðist ekki og komu út fjögur tölublöð á árinu 2020, eins og verið hefur síðustu ár.
Gjaldkeri félagsins, Helga Margrét Reinharðsdóttir, gerði grein fyrir reikningum félagsins. Greiddum félagsgjöldum fækkaði um 58 frá árinu 2019, eða um 350 þúsund krónur. Þrátt fyrir að útgjöld félagsins hafi lækkað um tæp 8% frá fyrra ári, þá dugði það ekki til að forða tapi upp á rúmlega 205 þúsund krónur.
Þá var gengið til kosninga í stjórn félagins. Úr stjórn áttu að ganga:
Benedikt Jónsson formaður og
Áslaug Herdís Úlfsdóttir
Stjórnin gerði tillögu um að Eiríkur Þór Einarsson yrði nýr formaður félagsins og var það samþykkt einróma. Þá gerði stjórnin tillögu um að Guðfinna S. Ragnarsdóttir og Magnús Grímsson kæmu inn í stjórn í stað Áslaugar og Benedikts. Tillagan var samþykkt samhljóða.
Stjórnin skiptir með sér verkum á næsta stjórnarfundi.
Skoðunarmenn reikninga verða áfram Ólaf Pálsson og Ágúst Jónatansson.
Samþykkt að félagsgjald yrði hækkað í 6.500 krónur.
Guðfinna S. Ragnarsdóttir ritstjóri fréttabréfsins tók til máls undir liðnum önnur mál og þakkaði fráfarandi formanni vel unnin störf. Nýkjörinn formaður, Eiríkur Þór Einarsson, tók undir það. Frárandi formaður, Benedikt Jónsson, þakkaði fyrir sig.
27
jan
2021
Félagsfundi í janúar 2021 frestað
Félagsfundi, sem halda átti 28. janúar 2021 er frestað af sóttvarnarástæðum.
Stefnt er að því að halda aðalfund 25. febrúar nk., nema sóttvarnarástæður hamli.
11
nóv
2020
Enginn félagsfundur í nóvember
Eins og kunnugt er hafa ekki verið aðstæður til samkomuhalds undanfarna mánuði. Ástæður þessa eru tvær. Í fyrsta lagi hafa verið í gangi takmarkanir á samkomuhaldi vegna COVID-19 og í öðru lagi hefur fundarsalurinn í Þjóðskjalasafni, sem við höfum notað, verið lokaður þar sem hann hefur verið notaður sem bráðabirgðalestrarsalur á meðan viðgerð á aðallestrarsalnum hefur farið fram. Viðgerðarframkvæmdir hafa tafist verulega vegna COVID-19 og þannig tengjast báðar ástæðurnar. Nú er ljóst að ekki verður neinn félagsfundur í nóvember af áðurnefndum ástæðum og þar með blasir við að þessu ári lýkur með því að aðeins einn félagsfundur var haldinn, í janúar, og svo var aðalfundur í febrúar. Við vonum að nýtt ár verði okkur hagfelldara í þessu efni.
26
okt
2020
Enginn félagsfundur í október
Ekki verður hægt að halda félagsfund í október vegna þess að fundarsalurinn sem við höfum venjulega notað er ekki tiltækur. Auk þess er heilbrigðisástandið í þjóðfélaginu þannig að ekki þykir ástæða til samkomuhalds. Á þessari stundu er óvíst með félagsfund í nóvember af sömu ástæðum. Nánar verður tilkynnt um það síðar.
16
sep
2020
Enginn félagsfundur í september
Ekki verður af félagsfundi í september vegna þess að fundarsalurinn sem við höfum venjulega notað er ekki tiltækur. Hins vegar er stefnt að félagsfundi 29. október n.k. þar sem Eiríkur Jónsson yfirlæknir á Landspítalanum og Jón Torfason munu fjalla um sullaveiki á 19. öld.
Þetta er tilkynnt með fyrirvara um að salurinn verði tiltækur og að sóttvarnarreglur heimili fundarhöld.
